Loading...

23, డిసెంబర్ 2018, ఆదివారం

తప్పే కదా!

                     భారతదేశం పక్కదేశాలపైన దండెత్తదంటూ మన భుజం మనమే చరచుకోవడం గొప్పలకు బానే ఉంటుంది, అది నిజంగా ఎంతవరకు నిజం? అవతలి దేశపు బలహీనతలను దురుపయోగం చేసుకోకుండా ఉండగల స్వభావం, సత్ప్రవర్తన మనకు ఎంతవరకు ఉన్నాయో, ఆకాలం విషయాలు పక్కన బెట్టి సమకాలీన పరిస్థితులలో మనం ఏం చేస్తున్నామో చూద్దాం.
https://www.forbes.com/sites/saritharai/2013/10/30/indian-outsourcing-firm-infosys-to-pay-record-u-s-visa-fine/#3c923548806f

             అమెరికా  లో ప్రతిభకు గుర్తింపు, మంచి సంపాదన, లివింగ్ కండీషన్స్ అంటూ ఆలోచించే వ్యక్తిగత వలసల విషయం సరే. ఆ మధ్య కాలంలో అమెరికా వీసా నిబంధనల సడలింపు జరిగాక ఐటీ కంపెనీలు తమ ఉద్యోగస్తులను హెచ్ ఒన్ బీ వీసాల ముసుగులో మిగతా వీసాల వాళ్ళను కూడా అక్కడికి తరలించి, వాళ్ళు వాళ్ళ స్పౌసులను, క్రమేపీ ఇన్ లాసు ను ఇలా గుంపులు గుంపులుగా అక్కడ సెటిలైపోయి, కంపెనీలలో ఇలా వెళ్ళిన వాళ్ళు పాలెగాళ్ళుగా ఆధిపత్యం చెలాయిస్తూ, అక్కడి అమెరికనులను, అమెరికను పౌరసత్వం పొందిన ఇతర భారతీయులను కూడా వివక్షకు గురి చేస్తున్నారని స్వయంగా భారతీయకంపెనీల ఐటీ సేవలను పొందిన ఒక ఎన్ ఆర్ ఐ వ్రాసిన వ్యాసం ఒకటి  ఉదయకాల అనే కన్నడ పత్రికలో రెండు భాగాలుగా ప్రచురింపబడింది.
      
            ఇవేవీ వ్యక్తిగతంగా ఒకరో ఇద్దరో చేయగలిగిన పనులు కాదు, కంపెనీలు వెనుక ఉండి చేయిస్తున్న పనులు. దీనిద్వారా వీళ్ళంతా ఒకదేశాన్నేదో నాశనం చేస్తారని చెప్పడం నా ఉద్దేశ్యం కాదు. కానీ వీసా నిబంధనల లో ఉన్న లొసుగులను ఇక్కడ చట్టాలకు మల్లేనే దురుపయోగం చేయడానికి కొన్ని కంపెనీలు వెనుకాడలేదు. ఎక్స్ పర్ట్ లన్న పేరుతో సాఫ్ట్ వేరు కు సంబంధంలేని వాళ్ళు కూడా తక్కువ రాళ్ళకే దొరుకుతారంటూ క్లయింట్లను మభ్యపెట్టి, క్రమంగా ఒకరికి నలుగురిని పంపుతూ ఇలా వెళ్ళిన గుంపులంతా అక్కడ భారతీయసంస్కృతిపేరుతో నానా రచ్చా చేస్తూ ఒక సంఘం మీద ఇంకొక సంఘం దుమ్మెత్తిపోసుకుంటూ చాలా కాలమే గడిచింది.
                  ఇప్పుడు అమెరికా మేలుకొని వీసా నిబంధనల పై వారికి ఉపయుక్తమైనట్టుగా ఆంక్షలు విధించేసరికి కంపెనీలెన్నో అమెరికాకు ఫైనులు కడుతున్నాయట. మేమేమీ నిబంధనలను అతిక్రమించలేదని వారంటున్నా, దురుపయోగాలంటూ జరిగాయి. green pastures ను వెదుక్కుంటూ పోవడం వేరు. వ్యాపారపరంగా ఒకనాడు ఈ దేశానికి వలసలు జరిగాయి. ఈనాడు మేధోపరంగా మనదేశం చేస్తున్నదాంట్లో ఏ సమస్యా లేదనీ, రాదనీ చెప్పగలమా? భావిప్రశ్నలు అలా ఉండనీ నేడు జరుగుతున్నది చూస్తుంటే ఈ వ్యాసం మొదట్లో చెప్పుకున్న గొప్పలకు మనం అర్హులమేనా అన్న ప్రశ్నకు పూర్వపు ఆధారాలవరకూ అక్కర్లేదు, ఈ నాటి ఈ ఆధారాలే చాలు కాదనడానికి అని తెలుస్తోంది కదా.

1 వ్యాఖ్య:

  1. ఒకనాడు ఆంగ్లేయులు వ్యాపార నెపముతో ఇక్కడికి వచ్చి, భారతీయులను డామినేట్ చేశారనే హక్కు (ఉంటే, గింటే/ ఉందనుకుంటే) మనకిక ఎక్కడ మిగిలింది? ఇప్పుడు మనం ఇంకో దేశం విషయంలో చేస్తున్నదేమిటి?

    ప్రత్యుత్తరంతొలగించు